下午三點,我一個人拿住一袋行李,背囊一個,仲要拿一個腳架,緩慢地前進。今日我去的地方係香港國際機場,目的地係廣西桂林。

  話說幾個月前收到消息話有個叫「香港教育工作者聯會」的機構搞一個文化交流營,話有機會去新疆。根據常識,新疆呢D地方就算有錢都唔係有機會去,於是我們班九個人決定參加是次交流。

  可惜好景不常,本校只能係抽籤活動中抽到去廣西同壯族交流,而其他學校,分別去新疆,內蒙,吉林(黑龍江),四川和海南島。

  於是,七月十五日下午三時正,開始本人的廣西之旅,也就是「屌」西旅團!

  係去廣西之前四日我先由北京返落黎,咁快又要上機,真係急,但在下抱住「龍遊四海,增廣見聞」的心態,理得佢急唔急,有旅行就去!



廣西旅團名單(李興貴)排名不分先後:

  史伐龍(在下我)-世人說我癡,我笑世人太無知

  乃斌-跟我同房的,行為怪異,身高不足170cm

  阿虎-人稱肥仔俊,偶像係劉德華

  小儀-人稱小儀,是♂,是一個好好先生

  婷婷-♀,普通話超勁,能對答如流

  阿樺-♀,九人的隊長,非常盡職

  CANDY-♀,團員之一,很多說話,有她不會悶

  阿梅-♀,團員之一,敢怒敢言,正直

  阿菲-♀,自稱靚女,真可憐

  MISS NG(伍)-♀,本校隨團老師,在李興貴任職中

本廣西團百幾人的首領:

  團長:詹益光老師(以下稱之為JIM)-好高,同阿TOM成對比

  副團長:湯泰方老師(以下稱之為TOM)-好矮,同阿JIM成對比

廣西團學校名單(排名不分先後):

  聖母無玷聖心書院-位於沙田(?)

  順德聯誼會李兆基中學-地產中學?

  瑪利曼中學-女校!YEAH!!

  聖公會林裘謀中學-我未聽過?

  寶安商會王少清中學-我未聽過?

  東華三院辛亥年總理中學-名校?挑!

  潔心林炳炎中學-都係未聽過

  香港教師會李興貴中學-最強之校,最強之團員

  香港中文大學校友會聯張X昌中學-唔識打個「火宣」字

  文理書院(香港)-呢個就聽過啦!

  就係咁,呢度每間學校都有十個人,加埋足足有成百人的廣西團形成!

  之但係係呢個團的出發前同埋返黎之後,大會都會要同學們做野,做D乜野,我就一於好少理,可以的話,我一定會敷衍了事,天生!

  係史伐龍日記的四月九日,已經提過「開營禮」,不再多說,講返七月十五日。

 

去桂林

後記